Ano Kaya Kung Pinili ni Maria na Hindi Isilang si Kristo

Ano Kaya Kung Pinili ni Maria na Hindi Isilang si Kristo?

ni John B. Juat

Ano kaya kung pinili ni Maria na hindi isilang si Kristo?

Lahat ay kanya kanya, lahat ay magulo

Kasalanan ay lalaganap, iyan ay sigurado

Dahil sa wala tayong masusundang modelo

Mananatili tayo sa dilim, hindi tayo magbabago

Hindi tayo magiging wasto, imposible tayong matuto

Hindi natin malalampasan ang mga pagsubok ng mundo

Dahil sa kawalan natin ng mabuting ehemplo

Hindi matutupad ang Kanyang pangako

Na iligtas tayo gamit ang krus at Kanyang banal na dugo

Mula sa mga pagkukulang natin, hindi tayo makakatayo

Buhay ay walang direksyon, 'di alam saan patungo

Pinto ng langit, mananatiling sarado

Walang sinuman ang makakapasok sa paraiso

Hindi mapapatawad ang kasalanan ko, kasalanan mo

Kung hindi isinilang si Hesus sa ating mundo

Ngunit si Maria't Jose ay nagmahalan ng totoo

Hinayaan nilang ibigay si Hesus sa bawat tao

Ito ay isang napakalaking ipinamalas na milagro

At dahil dito, nagkaroon tayo ng Pasko